Temporada di griep: kon Oregano Oil ta protehá bo famia
E promé nanishi ku ta kore den kas ta e momento pa kuminsá — no despues. Asina nos ta usa Oregano Oil na kas.
Kada aña, ora e áwaseru kuminsá i e skolnan habri bèk, griep i verkoudheid ta kore rònt di henter isla. Un mucha ta bini kas ku nanishi será, dos dia despues henter kas ta tosa. Nos tur konosé e patròn aki.
Kuminsá promé ku e drenta kas
E sekreto di Oregano Oil no ta ku e ta kura un griep ku ya ta ei — e ta ku e ta yuda bo defensa promé ku e griep gana tereno. E oregano ku nos ta usa ta riku na carvacrol, e komponente ku sientífikonan a studia mas pa su efekto kontra bakteria i hongo. Un par di gota kada dia, spesialmente den e lunanan di áwaseru, ta duna bo kurpa un man.
Asina nos ta usa é na kas
- Prevenshon: 2–3 gota den un kuchara di stropi òf djus, un bes pa dia, for di òktober te yanüari.
- E promé síntoma: ora un hende den kas kuminsá sinti e garganta, subi na 3 gota, dos bes pa dia, pa un siman.
- Pa mucha di 6 aña pa riba: 1 gota, semper mesklá ku stropi. Pa e chikitunan usa Mentholatum Kids riba pechu na lugá.
E smak ta fuerte — i esei ta e punto
Hopi hende ta bisa nos ku e smak ta fuerte. Ta bèrdat: oregano puru ta fuerte, i ta presis pesei e ta traha. Mesklá é ku un kuchara di stropi di abeha i e ta pasa fásil. Si bo pareha òf bo tata no ke sa di gota, e Oregano Capsules ta e mesun oregano den un cápsula midí.
Unda bo por haña é
Oregano Oil ta disponibel na botikanan di Botica di Servicio i Botica Bettina rònt di isla, i den nos tienda online ku entrega grátis riba XCG 100. Fabriká na Kòrsou, na un famia ku ta konosé e isla i su temporadanan.